Ազգային ժողովի պատգամավոր Արման Սահակյանը քիչ առաջ իր ֆեյսբուքյան էջում գրառում է արել, որտեղ նշել է, որ դիմումի համաձայն՝ դուրս է եկել Հանրապետական խմբակցությունից և զբաղվելու է Գյումրու խնդիրների և Հայաստանի տնտեսության զարգացման հարցերով։
Հարգելի հայրենակիցներ,
Տեղեկացնում եմ ձեզ, որ դիմումիս համաձայն դուրս եմ գալիս ԱԺ Հանրապետական խմբակցությունից և այսուհետ որպես պատգամավոր կենտրոնանալու եմ գլխավորապես Գյումրու խնդիրների և Հայաստանի տնտեսության զարգացման հարցերի շուրջ: Պատրաստ եմ ակտիվորեն աջակցել թե´ գործող իշխանության, թե´ ընդդիմության իմ ընկերների` զարգացման տանող բոլոր նախաձեռնություններին, պատրաստվում եմ ավելի ակտիվ լինել մեր տնտեսության կայացման ճանապարհին առկա և առաջ եկող մարտահրավերները մատնացույց անելու հարցում:
