Անժելա Ստեփանյանը իր ֆեյսբուքյան էջում գրել է. «Թավշյա հեղափոխության տեսադաշտից դուրս մնաց գյուղատնտեսությունը, գյուղացին ինչպես անտեր կար, այդպես էլ մնաց: Արմավիրի մարզի կեռաս մշակող գյուղացիական տնտեսությունները զայրույթի և խուճապի մեջ են: Ամբողջ տարին չարչարանքով ստեղծած բերքը մնացել է ծառերի վրա: Տասնյակ հեկտարներով բերքը գյուղացիները չկարողացան իրացնել, նրանք չգիտեն՝ ում դիմել:
Գյուղապետը անզոր է, մարզպետ չկա, գյուղնախարարությունը հետագա անիրատեսական ծրագրերով է զբաղված, իսկ գյուղացին ինչպես արհամարված կար, այդպես էլ մնաց: Մի ամբողջ գյուղատնտեսական մարզ նախկին և ներկա իշխանությունները չգիտես ինչո՞ւ փոշիացնում են »:
