Խորհրդարանը քննարկում է ՀՀ տարածքային կառավարման եւ զարգացման նախարարության կողմից մշակվել է «Միջհամայնքային միավորումների մասին» Հայաստանի Հանրապետության օրենքի նախագիծը, որով սահմանում է միջհամայնքային միավորման հասկացությունը, մարմինները, լիազորությունները եւ դրանց իրավական, տնտեսական, ֆինանսական հիմքերն ու երաշխիքները:
Նախագծով առաջարկվում է միջհամայնքային միավորման ստեղծման երկու եղանակներ՝ կամավոր հիմունքներով եւ օրենքով: Կամավոր հիմունքներով միավորումը ստեղծվում է համայնքների ավագանիների կողմից, իսկ օրենքով միավորումը ստեղծվում է ՀՀ կառավարության համապատասխան օրենսդրական նախաձեռնությամբ: Կարգավորվում են նաեւ միավորումը համալրելու եւ միավորումից դուրս գալու հետ կապված իրավահարաբերությունները: Նախատեսվում են նաեւ միավորումների գործունեության դադարեցման, լուծարման դեպքերը եւ դրանց ընթացակարգերը: Նախագծով սահմանվել են համապատասխան մեխանիզմներ՝ միավորումից դուրս գալու կամ լուծարվելու դեպքերում անդամ համայնքների միջեւ սեփականության բաշխման մասով:
Առաջարկվել են միավորման խորհրդի ձեւավորման հետ կապված իրավակարգավորող մեխանիզմներ:
Սահմանվել են միավորման խորհրդի, խորհրդի նախագահի լիազորությունները: