Հարյուր հինգ տարեկանում կյանքից հեռացել է Հոլիվուդի ամենատարեց դերասանուհին՝ Քոնի Սոյերը, հայտնում է Deadline-ը:
Նա մահացել է Կալիֆորնիայի իր տանը: Մահվան պատճառը չի նշվում:
Հայտնի է, որ Սոյերը Հոլիվուդի ամենատարեց աշխատող դերասանուհին էր: Նա աշխատել է մինչև 2017թ. վերջը:
Սոյերն ունի հարուստ կինոդարան: Նա նկարահանվել է ավելի քան 140 ֆիլմում ու սերիալում: Նրա մասնակցությամբ հայտնի ֆիլմերից են «Հիմարն ու ավելի հիմարը», «Երբ Հարին հանդիպեց Սալիին»:
Նշվում է, որ Սոյերը ծնվել է 1912թ.: Նա իր դերասանական կարիերան սկսել է 18 տարեկանում:
