«Իրատես» թերթը գրում է.
«Ասում են, թե Արարատի մարզում «լուսաբացները խաղաղ չեն», որովհետեւ «տանը մնացած» Հովիկ Աբրահամյանի եւ ԱԺ «տարված» Ալիկ Սարգսյանի ամբիցիաները «կրակում» են բոլոր ուղղություններով. Հովիկ Արգամիչը «ցույցերի» է գնում Գրիշա Վիրաբյանի «պատկերով», որպեսզի վերջապես «իշխանափոխություն» անի, իսկ Ալիկ Սերգեյիչը պատրաստվում է մարզպետ «դառնալ»:
Նրանց երկուսին էլ անողոքաբար խանգարում են Արամայիս եւ Արայիկ Գրիգորյանները, որոնք ամենաշատ ձայներն են ապահովել ՀՀԿ-ի համար, այդ թվում` Ալիկ Սերգեյիչի, մարզում ունեն հարգանք, հեռու են քաղաքական ինտրիգներից:
Ի դեպ. պայքարն առավել անողոք է դարձել վերջին շրջանում, որովհետեւ Արտաշատը կորցնելուց հետո Աբրահամյանները կորցնում են նաեւ Արարատը, որտեղ հայտնի ցեմենտի գործարանն է, ու «նայողն» էլ Արտաշատի երբեմնի քաղաքապետ Արգամ Հովիկիչն է»:
