Սարյանը ծաղիկներ է նկարում ապակու վրա: Շատերին, իհարկե, ծանոթ են այս կադրերը։ Սա Լաերտ Վաղարշյանի «Մարտիրոս Սարյան» փաստավավերագրական ֆիլմի կադրերն են, նկարահանված 1965 թվականին։
Սարյանի այս կտավը երբեք չի ցուցադրվել Հայաստանում: Նկարը ավարտելուց հետո նա նվիրել է այն ֆիլմի օպերատոր Մարատ Վարժապետյանին: Այսօր նկարը պատկանում է ռուս կոլեկցիոներ Յուրի Նոսովին ու երկար տարիներ գտնվել է Մոսկվայում: «Ծաղիկներ» նկարը կցուցադրվի Սարյանի անվան տուն թանգարանում փետրվարի 28-ից մարտի 7-ը: