«Ռուսաստանը ելնում է Հայաստանի և Թուրքիայի միջև հարաբերությունները նորմալացնելու կարևորությունից՝ ի շահ այդ երկու երկրների»,-մարտի 7-ի ճեպազրույցում ասել է Ռուսաստանի արտգործնախարարության մամուլի խոսնակ Մարիա Զախարովան, մեկնաբանելով հայ-թուրքական արձանագրությունները չեղարկելու Երևանի որոշումը:
Նա նշել է, որ Ռուսաստանի պատվիրակությունը Ցյուրիխում ներկա է գտնել և ակտիվ մասնակցություն ունեցել: «Մենք այա համաձայնություններին գնահատական տվել ենք, որը մնում է նույնը: Մենք ելնում ենք Թուրքիայի և Հայաստանի միջև հարաբերությունները նորմալացնելու կարևորությունից՝ ի շահ այդ երկու երկրների: Մեր կողմից միշտ հնարավորինս արել ենք այդ նպատակներին հասնելու համար»-այսօր ասել է Ռուսաստանի արտգործնախարարության խոսնակը:Այս մասին գրում է «Ազատություն ռադիոկայանը»:
Երկու երկրների միջև հարաբերությունների կարգավորմանն ուղղված հայ-թուրքական արձանագրությունները ստորագրվել են 2009-ի հոկտեմբերին, Ցյուրիխում: Սակայն արձանագրությունները այդպես էլ չվավերացվեցին: 2018-ի մարտի մեկին Հայաստանի նախագահը հայտարարեց, որ արձանագրությունները չեղյալ են համարվում: